Хабарҳои тозаи Сафорат

Эълон

Эълон

Сафорати Ҷумҳурии Тоҷикистон дар Қоҳира ба таваҷҷуҳи шаҳрвандони Ҷумҳурии Тоҷикистон, ки дар Ҷумҳурии Арабии Миср иқомат мекунанд, мерасонад, ки рӯзи якшанбе, 1 марти соли 2020 аз соати 08:00 то 20:00 ба вақти маҳаллӣ дар бинои Сафорат воқеъ дар шаҳри Қоҳира, маҳаллаи Диҷла ал-Маодӣ, кӯчаи 251, виллаи 15 интихоботи даъвати нави вакилони Маҷлиси намояндагони Маҷлиси Олии Ҷумҳурии Тоҷикистон баргузор мегардад. 

Ба ин муносибат, аз ҳамаи шаҳрвандони Ҷумҳурии Тоҷикистон дар Ҷумҳурии Арабии Миср, ки то рӯзи интихобот ба синни 18 расидаанд, эҳтиромона даъват ба амал меояд, ки дар интихоботи мазкур иштирок кунанд.

Комиссияи участкавии интихобот оид ба интихоботи вакилони Маҷлиси намояндагони Маҷлиси Олии Ҷумҳурии Тоҷикистон дар Сафорати Ҷумҳурии Тоҷикистон дар Ҷумҳурии Арабии Миср

 Тел.: (202) 25199665; (202) 25214120

Факс: (202) 25214121

E-mail: Этот адрес электронной почты защищён от спам-ботов. У вас должен быть включен JavaScript для просмотра.

Баргузории иҷлоси дуюми Комиссияи муштараки байниҳукуматии Тоҷикистону Миср роҷеъ ба ҳамкориҳои иқтисодӣ, илмӣ ва фаннӣ

27-28 ноябри 2019 дар Қоҳира иҷлоси дуюми Комиссияи муштараки байниҳукуматии Ҷумҳурии Тоҷикистон ва Ҷумҳурии Арабии Миср роҷеъ ба ҳамкориҳои иқтисодӣ, илмӣ ва фаннӣ баргузор гардид, ки дар он аз ҷониби тоҷикистонӣ Вазири рушди иқтисод ва савдо Неъматулло Ҳикматуллозода ва аз ҷониби мисрӣ Вазири сармоягузорӣ ва ҳамкории байналмилалӣ д-р Саҳар Наср раёсат намуданд.

Бузургдошти Рӯзи Конститутсия ва Рӯзи Президенти Тоҷикистон дар Қоҳира

16 ноябри 2019 дар яке аз варзишгоҳҳои шаҳри бостонии Қоҳира ба муносибати 25-умин солгарди Рӯзи Конститутсия ва Рӯзи Президенти Ҷумҳурии Тоҷикистон ҳамоиши ҷашнӣ ва мусобиқаи варзишӣ бо иштироки шаҳрвандони тоҷики муқими Миср баргузор гардид. Мизбонии ҳамоиши ҷашниро Сафорати  Ҷумҳурии Тоҷикистон ва Ҷамъияти тоҷикони Миср ба ӯҳда доштанд.

Иштироки Раиси Суди конститутсионии Ҷумҳурии Тоҷикистон дар Бузургдошти тиллоии Додгоҳи олии қонуни асосии Миср

18-22 октябри 2019 ҳайати Ҷумҳурии Тоҷикистон зери роҳбарии Раиси Суди конститутсионии Ҷумҳурии Тоҷикистон Абдулҳафиз Ашурзода дар Бузургдошти тиллоии Додгоҳи олии қонуни асосии Миср, ки зери сарпарастии Раиси Ҷумҳурии Арабии Миср Абдулфаттоҳ ас-Сисӣ баргузор шуд, иштирок ва суханронӣ намуд.

Ройзаниҳои сиёсӣ байни вазоратҳои корҳои хориҷии Тоҷикистон ва Миср

3 октябри 2019 дар Қоҳира даври навбатии ройзаниҳои сиёсӣ байни вазоратҳои корҳои хориҷии Ҷумҳурии Тоҷикистон ва Ҷумҳурии Арабии Миср зери роҳбарии Муовини якуми Вазири корҳои хориҷии Тоҷикистон Хусрав Нозирӣ ва Муовини вазири корҳои хориҷии Миср Ҳонӣ Салим баргузор гардид.

Дидори Муовини якуми вазири корҳои хориҷии Тоҷикистон бо Вазири сармоягузорӣ ва ҳамкории байналмилалии Миср

3 октябри 2019 дар Қоҳира Муовини якуми Вазири корҳои хориҷии Ҷумҳурии Тоҷикистон Хусрав Нозирӣ бо Вазири сармоягузорӣ ва ҳамкории байналмилалии Ҷумҳурии Арабии Миср Саҳар Наср дидор ва гуфтугӯ намуд. Дар он мулоқот масъалаҳои омодагӣ ба иҷлоси дувуми Комиссияи муштараки байниҳукуматӣ роҷеъ ба ҳамкории иқтисодӣ, илмӣ ва фаннӣ, ки қарор аст моҳи ноябри соли ҷорӣ дар пойтахти Миср баргузор гардад, баррасӣ шуданд.

Дидори Муовини якуми вазири корҳои хориҷии Тоҷикистон бо Вазири гардишгарии Миср

1 октябри 2019 дар Қоҳира Муовини якуми Вазири корҳои хориҷии Ҷумҳурии Тоҷикистон Хусрав Нозирӣ бо Вазири гардишгарии Ҷумҳурии Арабии Миср Рониё ал-Машшот дидор ва гуфтугӯ намуд. Дар он мулоқот масъалаҳои густариши муносибатҳои ҳамкорӣ байни ду кишвар дар соҳаи гардишгарӣ баррасӣ гардиданд. Дар ин замина мусоҳибон бар аҳаммияти барқарор намудани робитаҳои мустақим байни ниҳодҳои расмӣ ва ширкатҳои гардишгарии Тоҷикистон ва Миср таъкид намуданд.

Маросими ба кор даровардани агрегати дуюми Роғун дар телевизиони Миср

20 сентябри 2019 гузориши барномаи “Ба ҳама забонҳо”-и шабакаи давлатии телевизионии “Нили фарҳангӣ” ба зиёфати расмии Сафорати Тоҷикистон дар Қоҳира ба муносибати 28-умин солгарди Рӯзи Истиқлоли Ҷумҳурии Тоҷикистон ва маросими ба кор даровардани агрегати дуюми “НБО”-и Роғун, ки 9 сентябри 2019 аз ҷониби Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оғоз ёфт, бахшида шуд. Телевизионии “Нил” - шабакаи давлатии моҳворавӣ буда, яке аз сершумортарин шабакаи телевизионии Миср ба шумор меравад.

Бузургдошти Рӯзи Истиқлоли Тоҷикистон дар Қоҳира

9 сентябри 2019 дар яке аз меҳмонхонаҳои шаҳри Қоҳира ба муносибати 28-умин солгарди Рӯзи Истиқлоли Ҷумҳурии Тоҷикистон зиёфати дипломатӣ барпо гардид. Дар он маросим намояндагони воломақоми вазорату идораҳои гуногуни кишвари маҳалли иқомат, сафирон ва дипломатҳои хориҷии муқими Қоҳира, расонаҳо, аҳли илму фарҳанг, бозаргонони кишвар ва гурӯҳе аз шаҳрвандони тоҷики муқими Миср ҳузур доштанд.

Табрикоти Миср ба Тоҷикистон ба муносибати Рӯзи Истиқлол

Дар остонаи ҷашни миллии Ҷумҳурии Тоҷикистон, субҳи 8 сентбяри 2019 Дабири Дафтари Раёсати Ҷумҳурии Арабии Миср Аҳмад ал-Ансорӣ ба Сафорати Ҷумҳурии Тоҷикистон дар Қоҳира ташриф овард.